Navenda Nûçeyan

Platforma Abantê ku ji aliyê Wexfa Rojnamevan û Nivîskarên Tirkiyeyê ve tê piştgirîkirin, dê ji bo gotûbêjkirina pirsgirêka Kurd civîneke durojî lidar bixe.

Li gor ku ji aliyê Rojnameya Zamanê ve hatiye ragihandin, dê ev civîn di 4-5ê Tîrmehê de li Hotel Abant Palasê ya li bajarê Bolu ya Tirkiyeyê bê lidarxistin. Herweha, hat ragihandin ku komîteya amadekar ya civînê ji rojnamevan-nivîskar Ali Bulaç, Prof. Dr. Mumtazer Turkone,  Dr. Umit Kardaş, Altan Tan û Sekreterê Giştî yê Platfoma Abante Salih Yaylaci pêk tê û dê civîn, ji aliyê Serokê Platformê Prof. Dr. Mete Tunçay ve bê birêvebirin.
Herweha, hatiye eşkerekirin ku dê siyasetmedar û akademîsyenên Kurd û Tirk yên wek Kevneserokê Hak-Parê Abdulmelik Firat, Serokê Giştî yê Hak-Parê Sertaç Bucak, parlamenterê berê Haşim Haşimî, siyasetmedarê Kurd Umit Firat, Serokê Komeleya Welatiyên Helsinki ya Rihayê Ali Fuat Bucak, Serokê rêxistina Partiya Demokrat yê Amedê Galip Ensarioglu, ji Zanîngeha Koçê Fuat Keyman, Serokê Waqfa 78an Celalettin Can, Şewirmendê Serkomariya Tirkiyeyê Murat Yilmaz, ji Zanîngeha Erfurt ê-Elmanya Şennur Agirbaşli û Neyire Akpinarli û hwd. beşdarê civîna navborî bibin û li ser pirsgirêka Kurd gotûbêj bikin.