Dema Nû – Hewlêr

Li Holî Medyaya Galeriya Kurdistana Hewlêrê, ji hêla AMES Navenda Mendalanê Îşker (Navenda Zarokên Karker) ve pêşangehek bi salane hate li dar xistin. Pêşangeh, ji hêla 150 zarokan va hate vekirin. Di pêşangehê de çeşnên Zexrefe, Şêwekarî, Pastîl û kolej hate dîtin.

Navenda Mendalanê Îşker ku eve saleke hatiye damezrandin, heta niha 3 pêşangehan li dar xistiye. Berpirsê pêşangehê, hûnermendê Şêwekar û Mamoste Şikar Tahîr, ragihand ku armanca wan ewe ku zarokên li nava bazar de kar dikin hunera şêwekarîyê, bi wan bidin naskirin û hezkirin. Her wiha ez dixwazim di navbera zarokên ku li sûkê kar dikin û zarokên din de tu cudahî nemîne û zarokên ku derfeta wan û imkanên wan yê ji vê hunerê ra tuneyî, derfetek ji bo wan pêşkêş bikin û wan perwerde bikin.

Pêşangeha Navenda Zarokên Îşker, ji ber hin sedemên teknîkî bi tenê rojekî hate vekirin. Lê dîsa jî ji hêla gelek kesan ve hate ecibandin û dîtin. Berpirsiyarê navend û pêşangehê Mamoste Şikar Tahîr, beşdarnebûna çapemeniya Hewlêr gilî û gazindên xwe anî ziman û got; “her çiqas me rojnama Dema Nû venexwendibe pêşangehê jî, hûn hatin. Mixabin ew rojnamenusên ku me wan vexwendî pêşangehê kirîn, kesek ji wan beşdar nebûye. Ji ber wê jî em gelek spasiya rojnama we dikin ku hûn di rojek wisa de li ba me ne..”

Ji beşdarvanan keçeke bakurî Zîlan Burhan (13), bi wêneyên xwe yên reş û spî beşdar bûbû. Zîlan Burhan, li ser berhemên xwe wiha dibêje; “Wêneyê reş û spî ji bo min xeyalîne û gelek cuwantir û delaltirin. Min minara Hewlêrê ya kevnare bi reş û spî çêkiriye. Ez dixwazim li vir bidim xuyakirin ku temenê hemû zarokan wekî vê minara Hewlêrê, temendirêj be û zarok nemirin. Ji bo vê wêneya xwe ya mûma reş û spî jî, ez dixwazim bidim xuyakirin ku ronahiya vê mûmê hemu tariyan bikujîne û Kurdistan ronahî bibe.”