Dema Nû/Amed

Dadgeha Mafên Mirovan ya Ewrûpayê, dawayên ji bo betalkirina çêkirina bendava Heskêfê pejirand û şikiyatên serlêdanê wê herêmê di cî de dît. Lê ji aliyê din ve jî, ji bo ev kewnewarên Heskêfê di bin avê de bimîne û ji bo hemwelatiyên vê navçeyê ji bo ku cihekî nû bê destnîşankirin, encumeniya civata wezîran, biryara peydakirina cihekî nû dan.

Ji bo kevnewarên Heskêfê, di bin Bendava Ilisuyê de nemîne serlêdana hêjmareke mezin ya rojnamevan, zanist, hiqûqnas, rewşenbîr, dildarên parastina hawîrdorên yên dildarên parastina Heskêfê, serî li Dadgeha Mafên Mirovan ya Ewrûpayê dan û ev serdana wan ji aliyê dadgehê ve hatiye pejirandin.

Herweha Dadgeha Mafên Mirovan ya Ewrûpayê dîsa ji bo ku kevnewarên Heskêfê di bin avê de nemîne û bi armanca ku ev mîrate bê parastin, girênendeyê giştî yê kovara Atlasê Ozcan Yuksel, arkolog Prof. Oluş Arik, lêkolîner mîmar Prof. Zeynep Ahunbay, mîmar û arkolog Metîn Ahunbay, pisporê hiqûqnasê çand a bermayî Parêzer Murat Cano jî ji bo betalkirina vê bendavê serî li Dadgeha Mafên Mirovan ya Ewrûpayê da bûn. Heyeta dadgehê vê serlêdanê jî, pejirand.

Birêvebirên Komeleya Dildarên Heskêfê jî diyarkirin ku ji bo betalkirina projeya bendava Ilisuyê, dawa hatiye vekirin û pejirandina vê dawayê ji aliyê Dadgeha Mafên Mirovan ya Ewrûpayê ve gelek girîng e.

“Divê Heskêf bi şeklên xwe yên xwezayî bê parastin”

Dildarên Komeleya Heskêfê diyarkirin ku wan di serlêdana xwe ya ji bo Dadgeha Mafên Mirovan ya Ewrûpayê de eşkere kirine ku Heskêf cihekî bêhempa ye û divê ev cih bişêweyê xwe yên xwezayî bê parastin. Dildaran, di serlêdana xwe de diyar kirine û weha gotine; “Heskêf, li dinyayê de cihêkî herî kevn di nav yek ji wan dergûşa Mezopotamyayê ya dîroka kevnare de dimîne. Ji dema helenîstîkê heta dema Selçûkiyên Mezin li vê herêmê cihekî ku çandên curbecur lê jiyane.” Li vê cihê nîşanên mîmariyên dema Akkoyûnlû, Eyyubî û Artûklûyan xuya dike. Ev jî nîşana wê yekê ye ku li vê cihê çandên tevlêhev yên cuda bi hev re cîne.